2 “Hemia samting we Jehova God blong Isrel i talem, i se: ‘Yu go mo yu toktok long King Jedekia+ blong Juda mo yu talem long hem se: “Hemia samting we Jehova i talem, i se: ‘Naoia mi putum taon ya long han blong king blong Babilon mo bambae hem i bonem long faea.+ 3 Mo yu bambae yu no save kamaot long han blong hem, from we bambae oli mas holem yu mo oli putum yu long han blong hem.+ Mo bambae yu luk king blong Babilon stret long ae blong yu, mo hem bambae i toktok long yu fes tu fes, mo bambae yu go long Babilon.’+

8 Mo ol man Koldia bambae oli kambak, mo oli faet agensem taon ya mo oli holem mo oli bonem long faea.”+

17 Biaen King Jedekia i sanem toktok from hem i kam, mo king i askem kwestin long hem haed nomo, insaed long haos* blong hem.+ Hem i askem se: “?I gat eni toktok we i kam long Jehova?” Jeremaea i se: “!Yes, i gat!” mo hem i gohed se: “!Bambae oli putum yu long han blong king blong Babilon!”+