15 Nao Jehova we i God blong ol olfala blong olgeta, i gohed blong givim woning long olgeta tru long ol mesenja blong hem, hem i givim woning long olgeta bakegen mo bakegen, from we hem i sore long ol man blong hem mo long ples we hem i stap long hem. 16 Be olgeta oli gohed blong laf long ol mesenja blong tru God,+ oli lukluk ol tok blong God olsem wan samting we i rabis,+ mo oli stap jikim ol profet blong hem.+ Oli mekem olsem gogo bigfala kros blong Jehova i kam agensem ol man blong hem,+ mo i kasem mak ya we oli no moa save kam gud bakegen.

26 “Be olgeta oli no moa obei, oli rebel agensem yu,+ mo oli tanem baksaed long Loa blong yu.* Oli kilim ol profet blong yu we oli stap givim woning long olgeta blong mekem oli kambak long yu, mo oli mekem ol samting we i no soem respek nating.+

30 Yu yu gat longfala tingting long olgeta+ blong plante yia, mo yu givim spirit blong yu long ol profet blong yu blong oli gohed blong givim woning long olgeta, be olgeta oli no wantem lesin. Nao biaen yu putum olgeta long han blong ol man blong ol narafala kantri.+

3 “Stat long namba 13 yia blong Josaea+ boe blong Amon, king blong Juda kam kasem tede, hemia 23 yia, we mi kasem tok blong Jehova, mo mi gohed blong toktok long yufala bakegen mo bakegen,* be yufala i no save lesin.+