10 Long stat blong yia,* King Nebukadnesa i sanem ol man blong hem oli go tekem Jehoeakin i kam long Babilon,+ wetem ol sas samting we oli stap long haos blong Jehova.+ Mo hem i mekem Jedekia we i brata blong papa blong Jehoeakin, i kam king long Juda mo Jerusalem.+

11 Jedekia+ i gat 21 yia taem hem i kam king, mo hem i rul 11 yia long Jerusalem.+ 12 Hem i gohed blong mekem samting we i nogud long ae blong Jehova we i God blong hem. Mo hem i no mekem tingting blong hem i stap daon long fored blong profet Jeremaea+ we i stap talemaot ol tok we Jehova i givim oda long hem blong i talemaot.