• Jeremaea 14:13
    Baebol Long Niu Wol Translesen

    • 13 Afta long tok ya, mi talem se: “!O no, Hae Masta Jehova! Naoia ol profet oli stap talem long olgeta se: ‘Bambae yufala i no luk naef blong faet, mo hadtaem blong kasem kakae bambae i no kasem yufala, be bambae mi mi givim tru pis long yufala long ples ya.’”+

  • Jeremaea 23:16, 17
    Baebol Long Niu Wol Translesen

    • 16 Hemia samting we Jehova komanda blong ol ami i talem, i se:

      “Yufala i no mas lesin long ol tok blong ol profet ya we oli stap talemaot ol profet tok long yufala.+

      Olgeta oli stap giaman nomo long yufala.*

      Vison we oli stap talem i kamaot long hat blong olgeta nomo,+

      I no kamaot long maot blong Jehova.+

      17 Oli stap talem bakegen mo bakegen long olgeta we oli no respektem mi se,

      ‘Jehova i talem finis se: “Bambae yufala i stap gud long pis.”’+

      Mo oli talem long evri man we oli stap mekem stronghed, oli stap folem hat blong olgeta nomo, se,

      ‘Bambae i no gat trabol i kasem yufala.’+

  • Jeremaea 28:1, 2
    Baebol Long Niu Wol Translesen

    • 28 Long sem yia ya, long stat blong rul blong King Jedekia+ blong Juda, long namba 4 yia, long namba 5 manis, profet Hanania boe blong Ajuru blong ples ya Gibeon,+ i talem long mi insaed long haos blong Jehova, long fes blong ol pris mo olgeta man se: 2 “Hemia samting we Jehova komanda blong ol ami, we i God blong Isrel i talem, i se: ‘Bambae mi brekem yok blong king blong Babilon.+

  • Ol Krae 2:14
    Baebol Long Niu Wol Translesen

    • 14 Ol vison blong yu we ol profet blong yu oli stap luk, oli giaman mo oli nating nomo,+

      Mo oli no talemaot ol rong blong yu, blong mekem se yu no go kalabus,+

      Be oli gohed blong luk ol vison blong yu we oli giaman, mo ol tok blong hem oli lidim man i gorong.+