9 naoia bambae mi sanem toktok from olgeta famle long not oli kam,”+ hemia nao tok blong Jehova, “yes bambae mi sanem toktok from man blong wok blong mi, King Nebukadnesa* blong Babilon,+ mo bambae mi tekem olgeta oli kam agensem kantri ya,+ mo agensem ol man we oli laef long ples ya, mo agensem olgeta nesen ya raonabaot.+ Bambae mi distroem gud olgeta, mo mi mekem olgeta oli kam olsem wan samting blong fraet, mo wan samting blong wesil from mo bambae oli nogud olwe.

6 Mo naoia mi givim finis olgeta kantri ya i go long han blong man blong wok blong mi King Nebukadnesa+ blong Babilon, mo ol wael animol blong open ples tu mi givim long hem blong oli wok blong hem.

19 “Taswe hemia samting we Hae Masta Jehova i talem: ‘Naoia mi givim kantri ya Ijip long King Nebukadnesa* blong Babilon,+ nao hem bambae i tekemaot ol rij samting we oli stap long Ijip mo i karem i go, mo bambae hem i tekem mo i holemtaet plante samting. Mo ol samting ya bambae oli kam ol pei blong ol ami blong hem.’

20 “‘Mi bambae mi givim kantri ya Ijip long hem blong pem hem from wok we hem i mekem agensem hem,* from we hem i tekem aksen long bihaf blong mi,’+ hemia nao samting we Hae Masta Jehova i talem.