13 Bambae mi panisim olgeta we oli stap laef long kantri ya Ijip long naef blong faet, long hadtaem blong kasem kakae mo long strong sik, stret olsem we mi panisim ol man Jerusalem.+

12 Faswan grup blong ol man blong yu bambae oli ded from ol strong sik* o oli lus long medel blong yu from hanggri. Mo seken grup, bambae oli foldaon raonabaot long yu from naef blong faet.+ Mo bambae mi mi ronemaot laswan grup i go wanwan long evri saed,* mo bambae mi pulumaot wan naef blong faet blong ronem olgeta.+