15 Nao Jehova we i God blong ol olfala blong olgeta, i gohed blong givim woning long olgeta tru long ol mesenja blong hem, hem i givim woning long olgeta bakegen mo bakegen, from we hem i sore long ol man blong hem mo long ples we hem i stap long hem. 16 Be olgeta oli gohed blong laf long ol mesenja blong tru God,+ oli lukluk ol tok blong God olsem wan samting we i rabis,+ mo oli stap jikim ol profet blong hem.+ Oli mekem olsem gogo bigfala kros blong Jehova i kam agensem ol man blong hem,+ mo i kasem mak ya we oli no moa save kam gud bakegen.

24 Be oli no lesin o oli no pusum sora i kam blong lesin,+ oli girap, oli wokbaot folem ol plan* blong olgeta nomo, yes, oli mekem stronghed, oli stap folem hat blong olgeta we i rabis finis,+ mo oli no go fored, be oli gobak biaen, 25 stat long dei we ol olfala blong yufala oli kamaot long kantri ya Ijip, kam kasem tede.+ Taswe mi gohed blong sanem ol man blong wok blong mi, hemia ol profet i kam long yufala, evri dei mi stap sanem olgeta bakegen mo bakegen.*+ 26 Be oli no wantem lesin long mi mo oli no pusum sora i kam blong lesin.+ !Nao oli girap, oli mekem stronghed,* mo fasin blong olgeta i mowas i bitim ol olfala blong olgeta!

15 Mo mi gohed blong sanem olgeta man blong wok blong mi ol profet oli kam long yufala, mi stap sanem olgeta bakegen mo bakegen,*+ mi se: ‘!Plis yufala wanwan i mas tanem baksaed long ol rabis rod blong yufala,+ mo yufala i mekem samting we i stret! Yufala i no mas wokbaot biaen long ol narafala god mo wok blong olgeta. Olsem nao, bambae yufala i gohed blong laef long kantri ya we mi bin givim long yufala, mo long ol olfala blong yufala.’+ Be yufala i no pusum sora blong yufala i kam mo yufala i no lesin long mi.