13 From we mi, Jehova God blong yu, mi stap holem raethan blong yu,

Mi nao mi stap talem long yu se: ‘Yu no fraet. Mi bambae mi halpem yu.’+

43 Nao hemia tok blong Jehova,

God We i Wokem yu, Jekob, mo Hem nao i mekem yu, Isrel. Hem i se:+

“Yu no fraet, from we mi mi pembak yu finis.+

 2 Taem yu pastru long ol wota, bambae mi stap wetem yu,+

Mo taem yu pastru long ol reva, bambae oli no draonem yu.+

Taem yu pastru long faea, bambae faea i no bonem yu,

Mo laet blong faea bambae i no kasem yu nating.

 2 Hemia tok blong Jehova,

Man We i Mekem yu mo i Man ya we i wokem yu,+

Mo i stap givhan long yu, stat long taem ya we yu stap yet long bel blong mama blong yu,* i talem i se:

‘Jekob, man blong wok blong mi, yu no fraet,+

Mo yu tu Jesurun*+ we mi mi jusumaot yu finis.