• Jeremaea 50:44-46
    Baebol Long Niu Wol Translesen

    • 44 “!Yu luk! Wan man bambae i aot long ol tik bus ya long saed blong Jodan Reva, olsem wan laeon, i kam antap agensem sefples blong ol sipsip. Be kwiktaem nomo, bambae mi mekem olgeta oli ronwe, i aot long hem. Mo bambae mi putumap man we mi bin jusumaot, i lukaot long hem.+ ?From hu i olsem mi mo hu i save jalensem mi? ?I gat wan man blong lukaot long sipsip we i save stanap fored long mi?+ 45 Taswe, yufala ol man, yufala i lesin long desisen* we Jehova i mekem finis agensem Babilon+ mo samting we hem i tingting blong mekem agensem kantri blong ol man Koldia.

      Bambae oli mas pulumaot ol smol sipsip long ol sipsip ya.

      Bambae hem i mekem ples blong olgeta i stap nating nomo from samting we oli bin mekem.+

      46 Bigfala noes we i kamaot taem oli holem Babilon, bambae i mekem wol i seksek,

      Mo bambae oli harem ol man long olgeta nesen oli stap singaot bigwan.”+

  • Neham 1:6
    Baebol Long Niu Wol Translesen

    •  6 ?Hu i save kam stanap long fored blong hem taem hem i kros?+

      ?Mo hu i save fesem bigfala kros blong hem gogo i finis?+

      Bambae hem i kafsaedem kros blong hem olsem faea,

      Mo ol bigbigfala ston bambae oli seksek from hem.