• Aesea 48:20
    Baebol Long Niu Wol Translesen

    • 20 !Yufala i kamaot long Babilon!+

      !Yufala i ronwe long ol man Koldia!

      !Yufala i glad, yufala i talemaot long bigfala voes! !Yufala i talemaot!+

      Yufala i mekem ol man long olgeta ples long wol oli save.+

      Yufala i talem se: “Jehova i pembak finis man blong wok blong hem, Jekob.+

  • Jeremaea 51:6
    Baebol Long Niu Wol Translesen

    •  6 Yufala i ronwe, yufala i kamaot long medel blong Babilon,

      Mo yufala i ron blong sevem laef* blong yufala.+

      Yufala i no mas ded from ol rong blong hem.

      From naoia i taem blong Jehova i givimbak.

      Hem i stap givimbak long hem, from samting we hem i bin mekem.+

  • 2 Korin 6:17
    Baebol Long Niu Wol Translesen

    • 17 “Jehova* i talem se: ‘Taswe yufala i mas kamaot long olgeta, yufala i mas stap yufala nomo mo olgeta oli mas stap olgeta nomo, mo yufala i no mas tajem ol samting we oli no klin,’”+ mo “‘mi bambae mi glad blong tekem yufala.’”+

  • Revelesen 18:2
    Baebol Long Niu Wol Translesen

    • 2 Mo hem i singaot bigwan, i se: “!Woman ya i foldaon finis! !Bigfala Babilon i foldaon finis!+ !Hem i kam ples blong ol dimon mo blong evri spirit* we oli no klin, mo ples blong haed blong ol pijin we oli no klin mo we man i no laekem olgeta nating!+

  • Revelesen 18:4
    Baebol Long Niu Wol Translesen

    • 4 Mo mi harem wan narafala voes i kamaot long heven, i se: “Ol man blong mi, yufala i mas kamaot long hem+ sipos yufala i no wantem joen wetem hem long sin blong hem, mo sipos yufala i no wantem kasem ol trabol we bambae hem i kasem.+