• Aesea 21:2
    Baebol Long Niu Wol Translesen

    •  2 Wan man i talem wan vison long mi, we i nogud we i nogud, hem i se:

      Naoia, man blong trik i stap trikim ol man,

      Mo naoia, man blong spolem evri samting, i stap spolem ol samting.

      !O Elam, yu go antap! !O Media, yu go raonem taon ya!+

      Bambae mi stopem olgeta fasin safa we i kamaot from ol samting we woman* ya i mekem.+

  • Jeremaea 51:11
    Baebol Long Niu Wol Translesen

    • 11 “Yu mekem ol ara oli saengud,+ mo yu holem ol raon sil.*

      Jehova i pulum tingting blong ol king blong Media finis blong oli tekem aksen,+

      From we hem i plan blong flatemgud Babilon.

      From hemia fasin blong Jehova blong givimbak. Yes, hem i givimbak from tempol blong hem.

  • Jeremaea 51:27, 28
    Baebol Long Niu Wol Translesen

    • 27 “Yufala i leftemap wan saen* long kantri ya.+

      Yufala i blo long hon long olgeta nesen.

      Yufala i putumap ol nesen* blong oli kam agensem hem.

      Yufala i singaot ol kingdom blong Ararat,+ Mini mo Askenas,+ oli kam agensem hem.

      Yufala i sanem ofisa we i stap jusum ol niufala soldia, i kam agensem hem.

      Yufala i mekem ol hos oli kam antap olsem ol yang lokis we oli gat hea yet.

      28 Yufala i putumap ol nesen* blong oli kam agensem hem,

      Ol king blong Media,+ ol hed gavman blong hem mo olgeta deputi rula blong hem

      Mo olgeta kantri we oli rul long olgeta.

  • Jeremaea 51:48
    Baebol Long Niu Wol Translesen

    • 48 Heven mo wol mo evri samting long tufala

      Bambae oli glad, oli singsingaot, from Babilon i foldaon,+

      From ol man blong distroem samting, bambae oli aot long not i kam long kantri ya,”+ hemia nao tok blong Jehova.