• Aesea 40:22
    Baebol Long Niu Wol Translesen

    • 22 I gat wan Man i stap laef antap long wol ya we i raon,+

      Mo ol man we oli stap long wol ya, oli olsem ol grasopa.

      Hem i pulum skae i open bigwan olsem gudfala kaliko,

      Mo i spredem i open bigwan olsem tent blong man i stap long hem.+

  • Jeremaea 10:12-16
    Baebol Long Niu Wol Translesen

    • 12 Hem nao Man We i Mekem wol long paoa blong hem,

      Mo long waes blong Hem, hem i stanemap gudfala graon ya+

      Mo long save blong hem, hem i pulum skae i open bigwan.+

      13 Taem hem i mekem ol man oli harem voes blong hem,

      Ol wota long skae oli mekem bigfala noes,+

      Mo hem i stap mekem ol klaod* oli go antap long ol las ples long wol.+

      Hem i mekem laetning i kam wetem ren,*

      Mo hem i tekem win long ol stohaos blong hem i kam.+

      14 Evri man i stap mekem ol samting krangke nomo, mo oli no gat save.

      Ol man blong wokem ol samting long aean, bambae oli sem from aedol we oli stap wokem,+

      From aedol blong olgeta,* i wan giaman samting,

      Mo i no gat spirit* long olgeta.+

      15 Oli ol giaman samting nomo,* we ol man oli stap laf long olgeta.+

      Taem dei blong spolem olgeta i kam, bambae oli lus.

      16 God* blong Jekob, hem i no olsem ol samting ya,

      From hem nao i Man we i mekem evri samting,

      Mo Isrel hem i stik ya we i olsem olgeta samting blong hem.+

      Nem blong hem Jehova komanda blong ol ami.+