• Jeremaea 4:31
    Baebol Long Niu Wol Translesen

    • 31 Mi mi harem wan noes we i olsem noes blong wan woman we i sik,

      Hem i harem nogud tumas olsem wan woman we i stap bonem fas bebi blong hem,

      Hemia voes blong dota blong Saeon we i stap traehad blong pulum win.

      Taem hem i stap pusumaot han blong hem, hem i talem se:+

      “!Sore tumas long mi, from we mi mi* no moa gat paoa from ol man ya we oli stap kilim man!”

  • Esikel 7:16
    Baebol Long Niu Wol Translesen

    • 16 Olgeta we oli laef i stap from we oli ronwe, bambae oli go antap long ol bigfala hil, mo olsem ol sotleg blong ol vali, olgeta wanwan bambae oli krae from ol mastik blong olgeta.+

  • Maeka 1:8, 9
    Baebol Long Niu Wol Translesen

    •  8 Bambae mi krae mo mi stap singaot bigwan from fasin ya,+

      Bambae mi wokbaot drae leg mo neked nomo.+

      Bambae mi krae bigwan olsem ol wael dog ya jakol,

      Mo bambae mi krae sore olsem ol ostrij.

       9 From soa blong hem i no save kam gud,+

      Hem i bigwan gogo i kam kasem Juda.+

      Rabis sik ya i kasem finis get blong ol man blong mi, hemia Jerusalem.+