• Dutronome 32:37, 38
    Baebol Long Niu Wol Translesen

    • 37 Nao bambae hem i talem se: ‘?Wehem ol god blong olgeta,+

      Bigfala ston ya we oli go long hem blong haed,

      38 Mo we oli stap kakae gris blong ol sakrefaes blong olgeta,

      Mo dring waen we i kamaot long dring ofring blong olgeta?+

      I gud oli girap mo oli kam halpem yufala.

      I gud oli kam ples blong haed blong yufala.

  • Aesea 28:15
    Baebol Long Niu Wol Translesen

    • 15 From we yufala i talem se:

      “Mifala i mekem wan kontrak wetem Ded,+

      Mo mifala i mekem wan agrimen* wetem Gref.*

      Taem bigfala wota we i strong we i strong i ron,

      Bambae i no kasem mifala,

      From we mifala i mekem fasin blong giaman i kam olsem ples blong haed blong mifala,

      Mo ol giaman toktok blong mifala i haedem mifala.”+

  • Jeremaea 10:14
    Baebol Long Niu Wol Translesen

    • 14 Evri man i stap mekem ol samting krangke nomo, mo oli no gat save.

      Ol man blong wokem ol samting long aean, bambae oli sem from aedol we oli stap wokem,+

      From aedol blong olgeta,* i wan giaman samting,

      Mo i no gat spirit* long olgeta.+