30 “Taem yu stap long olgeta nesen we God blong yu Jehova i sanem yu yu go long hem,+ mo yu tingbaot olgeta tok ya,+ hemia ol blesing mo ol trabol we mi bin putum long fored blong yu,+ 2 nao yu wetem ol boe blong yu, yufala i kambak long Jehova we i God blong yu,+ long olgeta hat blong yufala mo olgeta sol* blong yufala, mo yufala i lesin long voes blong hem mo mekem olgeta samting we mi mi stap talem long yufala tede,+ 3 Jehova we i God blong yu bambae i sore long yu,+ i tekemaot yu long olgeta we oli holem yu,+ mo i tekem yu yu kambak. Bambae hem i tekemaot yu long ol ples we God blong yu Jehova i bin sanem yu yu go long hem, mo i mekem yufala i joen tugeta.+

18 “Long ol dei ya, bambae oli wokbaot tugeta, olgeta long haos blong Juda bambae oli wokbaot wetem olgeta long haos blong Isrel,+ mo olgeta evriwan bambae oli aot long graon ya long not, oli kam long graon ya we mi bin givim long ol olfala blong yufala, blong oli holem i blong olgeta.+

6 Oltaem bambae ae blong mi i stap long olgeta blong mi mekem i gud long olgeta, mo bambae mi mekem olgeta oli kambak long kantri ya.+ Bambae mi bildimap olgeta mo bambae mi no brekemdaon, bambae mi planem olgeta, mo bambae mi no rutumaot.+

3 From Jehova i talem se: “!Yufala i luk! I gat ol dei i stap kam, we bambae mi hivimap ol man blong mi we oli stap kalabus, hemia ol man Isrel mo Juda,+ mo bambae mi tekem olgeta i kambak long kantri ya we mi bin givim long ol olfala blong olgeta, mo bambae oli holem i blong olgeta bakegen,”’ hemia nao tok blong Jehova.”+

37 ‘Naoia bambae mi tekemaot olgeta long evri kantri we mi bin ronemaot olgeta oli go stap long olgeta from mi bin kros long olgeta, mo from bigfala kros blong mi, mo from mi no bin glad long olgeta.+ Mo bambae mi hivimap olgeta mo mi tekem olgeta oli kambak long ples ya, mo mi letem olgeta oli stap long hem we oli sefgud.+