• Levitikas 19:15
    Baebol Long Niu Wol Translesen

    • 15 “‘Taem yufala i jajem wan trabol, yufala i mas mekem i stret. Yufala i no mas sore long wan puaman jes from we hem i pua, o yufala i no mas mekem i gud moa long man we i rij.+ Yufala i mas jajem man long jastis.

  • Aesea 1:17
    Baebol Long Niu Wol Translesen

    • 17 Yufala i mas lanem blong mekem samting we i gud mo lukaotem jastis,+

      Yufala i mas stretem ol man we oli stap mekem i strong long narafala,

      Yufala i mas difendem raet blong ol pikinini we oli no gat papa,*

      Mo yufala i toktok long bihaf blong ol wido.”+

  • Esikel 22:7
    Baebol Long Niu Wol Translesen

    • 7 Insaed long yu, olgeta oli stap mekem i nogud long papa mo mama blong olgeta from we oli ting nating long tufala.+ Oli trikim ol man blong narafala kantri blong tekem olting blong olgeta, mo oli mekem i nogud long pikinini we papa blong hem i ded* mo long wido.”’”+

  • Maeka 2:2
    Baebol Long Niu Wol Translesen

    •  2 Oli wantem ol garen nao oli go tekem i blong olgeta,+

      Oli wantem ol haos tu, mo oli tekem olgeta.

      Oli trikim man nao oli tekemaot haos blong hem,+

      Yes, oli karemaot samting we man i kasem long papa blong hem.