4 Mo bambae mi mekem olgeta oli kam olsem wan samting we olgeta kingdom blong wol oli fraet long hem,+ from samting we Manase boe blong Hesekia, king blong Juda, i bin mekem long Jerusalem.+

17 “Taswe hemia samting we Jehova i talem, i se: ‘Yufala i no bin obei long mi blong mekem ol brata blong yufala mo ol man ples blong yufala oli kasem fridom.+ Taswe naoia bambae mi mekem yufala i kasem fridom,’ hemia nao tok blong Jehova, ‘bambae mi letem yufala i go long naef blong faet, long strong sik, mo long hadtaem blong kasem kakae,+ mo bambae mi mekem yufala i kam olsem wan samting we olgeta kingdom blong wol oli fraet long hem.+