15 Nao Jehova we i God blong ol olfala blong olgeta, i gohed blong givim woning long olgeta tru long ol mesenja blong hem, hem i givim woning long olgeta bakegen mo bakegen, from we hem i sore long ol man blong hem mo long ples we hem i stap long hem. 16 Be olgeta oli gohed blong laf long ol mesenja blong tru God,+ oli lukluk ol tok blong God olsem wan samting we i rabis,+ mo oli stap jikim ol profet blong hem.+ Oli mekem olsem gogo bigfala kros blong Jehova i kam agensem ol man blong hem,+ mo i kasem mak ya we oli no moa save kam gud bakegen.

33 Yu yu mekem i stret nomo long olgeta samting we yu mekem long mifala, from we oltaem yu yu stap tru long mifala. Be mifala nao i mekem i nogud.+

7 O Jehova, stret fasin i blong yu, be sem i blong mifala olsem we i stap tede. Yes, ol man Juda, ol man Jerusalem, olgeta man Isrel, olgeta we oli stap klosap mo longwe, hemia long olgeta kantri we yu ronemaot olgeta oli go stap long hem, oli sem from we oli no holemstrong long yu.+

16 O Jehova, folem olgeta wok blong yu we oli stret gud,+ plis, i gud yu mekem se kros blong yu mo bigfala kros blong yu i gowe long taon blong yu Jerusalem mo long bigfala hil blong yu we i tabu. From ol sin blong mifala mo ol rong blong ol olfala blong mifala i mekem se Jerusalem mo ol man blong yu, oli kam olsem wan samting we ol man raonabaot long mifala oli stap tok nogud long hem.+