49 “Jehova bambae i mekem wan nesen we i stap longwe, long narasaed long wol, i kam agens long yu.+ Hemia wan nesen we bambae yu yu no kasemsave lanwis blong hem,+ mo bambae hem i sut i kam olsem wan igel.+ 50 Hemia wan nesen we i raf mo bambae hem i no save tingbaot ol olfala mo i no gat sore long ol yangfala.+

17 Nao God i mekem se king blong ol man Koldia i kam faet agensem olgeta.+ King ya i go insaed long tabu ples blong olgeta+ mo i kilim ol yang man oli ded long naef blong faet.+ Hem i no gat sore nating long ol yang man, ol gel we oli no save man yet, ol olfala mo olgeta we oli no moa strong.+ God i putum evri samting long han blong king ya.+