48 Jehova bambae i sanem ol enemi blong yu, oli kam agens long yu, mo bambae yu yu wok blong olgeta+ we yu hanggri nomo,+ yu tosta, ol klos blong yu oli brokbrok, mo yu sot long evri samting. Bambae hem i putum wan yok we oli wokem long aean long nek blong yu, mo bambae i stap olsem gogo kasem we hem i kilim yu yu ded.

49 “Jehova bambae i mekem wan nesen we i stap longwe, long narasaed long wol, i kam agens long yu.+ Hemia wan nesen we bambae yu yu no kasemsave lanwis blong hem,+ mo bambae hem i sut i kam olsem wan igel.+ 50 Hemia wan nesen we i raf mo bambae hem i no save tingbaot ol olfala mo i no gat sore long ol yangfala.+ 51 Bambae olgeta oli kakae ol pikinini blong ol animol blong yu, mo ol frut long graon blong yu, go kasem we oli aotem yu. Mo bambae oli no livim sam samting i stap, olsem sam sid, niufala waen o oel, yang buluk o sipsip, gogo kasem we oli kilim yu yu ded.+

31 Mi bambae mi kafsaedem kros blong mi long yu. Bambae mi kros long yu mo mi blo long faea blong kros ya i kam long yu, mo bambae mi putum yu long han blong ol man we oli raf, hemia ol man we oli gat gudhan blong distroem ol samting.+