• Ol Sam 79:8, 9
    Baebol Long Niu Wol Translesen

    •  8 Yu no jajem mifala from ol rong blong ol olfala blong mifala bifo.+

      Yu soemaot kwiktaem se yu sore long mifala,+

      From ol man oli daonem gud mifala.

       9 O God we yu sevia blong mifala, yu halpem mifala,+

      From haenem blong yu.

      Mo from nem blong yu, plis yu tekemaot mifala mo yu fogivim* ol sin blong mifala.+

  • Aesea 63:18, 19
    Baebol Long Niu Wol Translesen

    • 18 Ol tabu man blong yu oli holem ples ya blong smoltaem.

      Ol enemi blong mifala oli stap purumbut long tabu ples ya blong yu.+

      19 Longtaem finis nao, mifala i stap olsem olgeta we yu neva rul long olgeta,

      Olsem olgeta we ol man oli neva singaot olgeta long nem blong yu.

  • Jeremaea 14:9
    Baebol Long Niu Wol Translesen

    •  9 ?From wanem yu yu olsem wan man we i sapraes tumas,

      Olsem wan strong man we i no save sevem man?

      From yu O Jehova, yu stap long medel blong mifala,+

      Mo ol man oli stap singaotem mifala long nem blong yu.+

      Yu no lego mifala.