• Ol Sam 2:7-9
    Baebol Long Niu Wol Translesen

    •  7 I gud mi talemaot desisen blong Jehova,

      Hem i talem long mi se: “Yu yu pikinini blong mi,+

      Tede mi mi kam papa blong yu.+

       8 Yu askem long mi, mo bambae mi givim ol nesen blong yu holem oli blong yu

      Mo ol laswan ples long wol olsem graon blong yu.+

       9 Bambae yu brebrekem olgeta long wan aean septa,*+

      Mo bambae yu smasem olgeta oli kam ol smosmol pis graonpot.”+

  • Ol Sam 110:5, 6
    Baebol Long Niu Wol Translesen

    •  5 Jehova bambae i stap long raetsaed* blong yu.+

      Bambae hem i smasem ol king long dei blong kros blong hem.+

       6 Bambae hem i mekem jajmen blong hem agensem ol nesen.+

      Bambae hem i mekem se graon i fulap long ol dedbodi.+

      Bambae hem i smasem lida* blong wan bigfala kantri.*

  • Revelesen 19:15
    Baebol Long Niu Wol Translesen

    • 15 Mo wan longfala naef blong faet we i sap i kamaot long maot blong hem, mo hem i yusum naef+ ya blong kilim ol man blong ol nesen. Mo bambae hem i olsem man blong lukaot long sipsip, we i yusum wan stik we oli wokem long aean,+ blong rul long olgeta. Mo hem i stanstanap long ples blong mekem waen, we hemia bigfala kros blong God Ya We i Gat Olgeta Paoa.+