4 Mo Jehova i talem se: “Long ol dei ya mo long taem ya, ol man Isrel mo ol man Juda bambae oli kam wanples.+ Bambae oli krae taem oli stap wokbaot i kam,+ mo bambae oli joen wanples blong lukaotem Jehova we i God blong olgeta.+ 5 Bambae oli askem rod we i go long Saeon, we oli stap lukluk i go long saed blong hem,+ oli se: ‘Yufala i kam, i gud yumi joen wetem Jehova long wan kontrak we i blong olwe, we bambae yumi no save fogetem samtaem.’+