• Aesea 2:2, 3
    Baebol Long Niu Wol Translesen

    •  2 Long lashaf blong ol dei,*

      Bigfala hil blong haos blong Jehova,

      Bambae i stap strong antap long top blong ol bigfala hil,+

      Mo bambae hem i kam hae moa long ol narafala hil,

      Mo ol man blong narafala nesen bambae oli hip i go long hem.+

       3 Mo plante man bambae oli go, oli talem se:

      “Yufala i kam, i gud yumi go antap long bigfala hil blong Jehova,

      Yumi go long haos blong God blong Jekob.+

      Hem bambae i tijim yumi long ol fasin blong hem,

      Mo bambae yumi wokbaot long ol rod blong hem.”+

      From loa* bambae i kamaot long Saeon,

      Mo tok blong Jehova bambae i stap kamaot long Jerusalem.+

  • Aesea 55:5
    Baebol Long Niu Wol Translesen

    •  5 !Yufala i luk! Bambae yufala i singaot wan nesen we yufala i no save,

      Mo from nem blong Jehova God blong yufala,+ we i Tabu Man Blong Isrel,

      Ol man blong wan nesen we oli no bin save yufala, bambae oli ron i kam long yufala,

      From we God bambae i leftemap yufala.+

  • Hosea 1:10
    Baebol Long Niu Wol Translesen

    • 10 “Mo namba blong ol man* Isrel bambae i plante olsem sanbij long solwota, we man i no save makem o kaontem.+ Mo long ples we mi talem long olgeta se: ‘Yufala i no man blong mi,’+ bambae mi talem long olgeta se: ‘Yufala i pikinini blong God ya we i laef.’+

  • Maeka 4:2
    Baebol Long Niu Wol Translesen

    •  2 Mo plante nesen bambae oli go, oli talem se:

      “Yufala i kam, i gud yumi go antap long bigfala hil blong Jehova

      Mo yumi go long haos blong God blong Jekob.+

      Hem bambae i tijim yumi long ol fasin blong hem,

      Mo bambae yumi wokbaot long ol rod blong hem.”

      From loa* bambae i stap kamaot long Saeon,

      Mo tok blong Jehova bambae i stap kamaot long Jerusalem.

  • Hagae 2:7
    Baebol Long Niu Wol Translesen

    • 7 “‘Mo bambae mi seksekem olgeta nesen, nao ol gudgudfala* samting blong olgeta nesen bambae oli kam insaed,+ mo bambae haos blong mi i fulap long glori,’*+ hemia nao tok blong Jehova komanda blong ol ami.