27 Biaen Jisas mo ol disaepol blong hem oli aot, oli stap go long ol vilej long Sisaria Filipae. Mo long rod, hem i askem long olgeta se: “?Ol man oli stap tokbaot mi se mi mi hu?”+ 28 Oli ansa long hem se: “Sam man oli talem se yu yu Jon Baptaes.+ Be sam narafala oli talem se yu yu Elaejah,+ mo sam narafala bakegen oli talem se yu yu wan long ol profet.” 29 Ale hem i askem long olgeta se: “?Be yufala, yufala i talem se mi mi hu?” Pita i ansa se: “Yu yu Kraes ya.”+

18 Biaen, taem hem i stap prea hem wan, ol disaepol oli kam long hem, nao hem i askem long olgeta se: “?Ol man oli stap tokbaot mi se mi mi hu?”+ 19 Oli ansa se: “Oli talem se yu yu Jon Baptaes. Be samfala oli talem se yu yu Elaejah, mo sam narafala oli talem se yu yu wan profet we i laef bakegen.”+ 20 Nao hem i askem long olgeta se: “?Be yufala, yufala i talem se mi mi hu?” Pita i ansa se: “Yu yu Kraes ya we God i sanem i kam.”+