38 Biaen pris ya Jadok wetem profet ya Natan, mo Benaea+ we i boe blong Jehoeada, mo ol man Keret mo ol Peletaet,+ oli mekem Solomon i raed long hafkas dongki blong King Deved,+ mo oli tekem hem i godaon long Gihon.+

40 Afta long samting ya, olgeta man oli biaen long hem i gobak antap, mo oli stap plei long ol flut mo oli glad we oli glad, mo oli mekem bigfala noes nao graon i stap seksek from.+

7 Ale tufala i tekem dongki+ ya i go long Jisas, mo oli putum klos blong olgeta long hem, mo hem i sidaon antap long hem.+ 8 Mo tu, plante man oli putum klos blong olgeta long rod, be sam narafala oli go katem ol lif, oli kam putum long rod.+ 9 Mo ol man we oli stap wokbaot fastaem long hem mo olgeta we oli stap wokbaot biaen, oli stap singaot se: “!Mifala i prea se plis yu sevem hem!+ !Jehova* yu blesem man ya we i kam long nem blong yu!+ 10 !I gud yu blesem Kingdom ya we i stap kam, hemia Kingdom blong papa blong mifala Deved!+ !Yu we yu stap antap olgeta, mifala i prea se plis yu sevem hem!” 11 Nao hem i go insaed long Jerusalem, mo i go insaed long tempol, i stap lukluk ol samting insaed, be from we klosap i tudak, hem wetem ol twelef aposol, oli go long Betani.+

14 Nao Jisas i faenem wan yang dongki, ale hem i sidaon long hem.+ Samting ya i olsem we Baebol i talem, i se: 15 “Dota blong Saeon, yu no fraet. !Yu luk! King blong yu i sidaon long wan yang dongki, i stap kam.”+