42 Long dei ya, hem i Dei Blong Mekemrere Ol Samting, we i min se tumoro i Sabat. Nao let long aftenun, 43 Josef blong Aramatia i kam. Hem i wan memba blong Kaonsel mo ol man oli savegud hem. Mo hem tu i stap wet long Kingdom blong God. Hem i mekem tingting blong hem i strong, nao i go stret long fes blong Paelat, i askem bodi blong Jisas.+

50 !Luk! I gat wan memba blong Kaonsel we nem blong hem Josef, hem i wan gudfala man mo fasin blong hem i stret.+ 51 (Man ya i no vot blong sapotem plan blong olgeta mo ol samting we oli mekem.) Hem i blong Aramatia we i wan taon blong ol man Judia, mo hem i stap wet long Kingdom blong God. 52 Man ya i go stret long Paelat, i askem bodi blong Jisas. 53 Nao hem i tekemaot bodi ya,+ i kavremap long gudfala kaliko ya linen, mo i go putum long wan tomb* we oli katem long ston,+ mo oli no putum man long hem yet.