17 Taem oli stap wokbaot long rod i go antap long Jerusalem, Jisas i tekem ol 12 disaepol oli kam wanples, mo i talem long olgeta se:+ 18 “!Yufala i luk! Yumi stap go antap long Jerusalem, mo bambae oli putum Pikinini blong man* long han blong ol jif pris mo ol skraeb. Bambae oli jajem hem se hem i mas ded,+ 19 mo bambae oli putum hem long han blong ol man blong ol narafala nesen, blong oli jikim hem, oli wipim hem, mo oli nilim hem long wan pos blong hem i ded.+ Mo long namba 3 dei, bambae hem i laef bakegen.”+

31 Mo tu, hem i stat blong talem long olgeta se Pikinini blong man* bambae i mas harem nogud long plante samting, mo ol elda mo ol jif pris mo ol skraeb bambae oli sakemaot hem mo oli kilim hem i ded,+ mo long namba 3 dei, bambae hem i laef bakegen.+

31 Hemia from we hem i stap tijim ol disaepol blong hem, mo i stap talem long olgeta se: “Bambae oli putum Pikinini blong man* long han blong ol enemi, mo bambae oli kilim hem i ded.+ Be long namba 3 dei, bambae hem i laef bakegen.”+

22 Mo hem i talem se: “Pikinini blong man* bambae i mas harem nogud long plante samting, mo ol elda mo ol jif pris mo ol skraeb bambae oli sakemaot hem mo oli kilim hem i ded,+ mo long namba 3 dei, bambae hem i laef bakegen.”+

31 Nao hem i tekem ol twelef aposol oli kam wanples, mo i talem long olgeta se: “!Yufala i luk! Yumi stap go antap long Jerusalem, mo ol samting we ol profet oli raetem blong tokbaot Pikinini blong man,* bambae oli kamtru fulwan.+ 32 Bambae oli putum hem long han blong ol man blong ol narafala nesen,+ mo bambae oli jikim hem,+ oli mekem i nogud long hem, mo oli spet long hem.+ 33 Mo afta we oli wipim hem, bambae oli kilim hem i ded,+ be long namba 3 dei bambae hem i laef bakegen.”+