6 Taem Jisas i stap long Betani, long haos blong Saemon ya we fastaem i gat leprosi,+ 7 wan woman i kam long hem, i karem wan botel alabasta we insaed long hem, i gat oel we i smel gud olsem senta, mo we praes blong hem i sas tumas. Nao taem hem i stap kakae,* woman ya i stap kafsaedem oel ya long hed blong hem. 8 Taem ol disaepol oli luk samting ya, oli kros nao oli talem se: “?From wanem hem i westem olsem? 9 Sipos hem i salem, hem i save kasem bigfala mane, nao i save givim long ol puaman.”

2 Nao long ples ya, oli mekem kakae blong hem, mo Mata i stap karem kakae i kam.+ Be Lasaros i wan long olgeta we oli stap kakae* wetem hem. 3 Meri i tekem wan paon* blong oel blong nad we oli no miksim wetem narafala samting, oel ya i smel gud olsem senta, mo we praes blong hem i sas we i sas. Hem i kafsaedem oel ya long leg blong Jisas mo i waepem long hea blong hem blong mekem i drae. Nao haos ya i fulap gud long gudfala smel blong oel ya.+ 4 Be wan disaepol blong hem, hemia Judas Iskariot+ we biaen hem i letem hem i go long han blong ol enemi, i talem se: 5 “?From wanem hem i no salem oel ya blong 300 denarias* mo givim long ol puaman?”