• Aesea 61:1
    Baebol Long Niu Wol Translesen

    • 61 Spirit blong Hae Masta Jehova i stap long mi,+

      From we Jehova i makemaot mi blong mi talemaot gud nius long ol man we oli gat tingting daon.+

      Hem i sanem mi blong mi fasem soa long hat blong olgeta we oli stap harem nogud,

      Mo blong mi talemaot long olgeta we oli kalabus se bambae oli go fri,

      Mo blong mekem ae blong ol prisena i open bigwan,+

  • Matiu 9:12, 13
    Baebol Long Niu Wol Translesen

    • 12 Be hem i harem olgeta, nao i talem se: “Ol man we oli no sik, oli no nidim dokta, be olgeta we oli sik, yes, oli nidim.+ 13 I gud yufala i go lanem mining blong tok ya we i talem se: ‘Mi mi wantem we man i gat sore long ol narafala, be i no blong stap mekem sakrefaes.’+ From we mi mi no kam blong singaot ol stret man, be mi mi kam blong singaot ol man blong mekem sin.”

  • Luk 5:31, 32
    Baebol Long Niu Wol Translesen

    • 31 Be Jisas i ansa long olgeta se: “Olgeta we oli no sik, oli no nidim dokta, be olgeta we oli sik, yes, oli nidim.+ 32 Mi mi no kam blong singaot ol stret man, be mi kam blong singaot ol man blong mekem sin blong oli tanem tingting blong olgeta.”+