18 Yu mas talem long olgeta se oli mas mekem ol gudfala fasin, mo ol gudfala wok, mo oli mas kam rij long fasin ya. Mo oli mas glad blong givim samting long narafala, mo oli mas rere blong serem ol samting blong olgeta long ol narafala man.+

15 Sipos eniwan long ol brata o sista oli no gat klos* mo oli no gat naf kakae blong wan dei, 16 nao wan long yufala i talem long olgeta se: “Yu no wari, yu go mekem yu wom mo yu kakae,” be hem i no givim ol samting we bodi blong hem i nidim, ?tok ya bambae i givhan long hem olsem wanem?+

17 Sipos wan man i gat plante samting, mo hem i luk se brata blong hem i sot long sam samting, be hem i no sore long hem mo i no wantem givhan long hem, ?olsem wanem hem i save talem se hem i lavem God?+