11 Mi mi baptaesem yufala long wota from we yufala i tanem tingting blong yufala,+ be man we bambae i kam biaen long mi, hem i hae moa long mi, mo mi mi no stret blong tekemaot sandel blong hem.+ Man ya bambae i baptaesem yufala long tabu spirit+ mo long faea.+

5 Jon i baptaesem ol man long wota, be i no longtaem, bambae yufala i baptaes long tabu spirit.”+

45 Nao ol brata we oli sakomsaes,* we oli folem Pita i kam, oli sapraes tumas from we tabu spirit ya we i wan presen we i fri nomo, i kamdaon long ol man blong ol narafala nesen tu.

5 Taem oli harem tok ya oli baptaes long nem blong Masta Jisas. 6 Mo taem Pol i putum han blong hem long olgeta, tabu spirit i kam long olgeta,+ nao oli stat blong toktok long narafala lanwis, mo oli stap talemaot ol profet tok.+