8 Nao Jehova i talem long Moses se: “Yu wokem wan snek we i sem mak long ol posen snek ya,* mo yu putum long wan longfala pos. Nao sipos snek i kakae wan man, man ya i mas lukluk i go long snek ya we i stap long pos, blong hem i no ded.” 9 Nao kwiktaem nomo Moses i wokem wan snek long kopa+ mo i putum long wan longfala pos,+ nao taem wan snek i kakae wan man mo man ya i lukluk i go long snek ya we oli wokem long kopa, hem i no ded.+