7 Taem olgeta oli stap gobak, Jisas i tokbaot Jon long ol man, i se: “?Yufala i go long draeples blong luk wanem?+ ?Yufala i go blong luk wan waelken we win i stap saksakem i go olbaot?+

10 Hem nao man ya we Baebol i tokbaot hem se: ‘!Yu luk! !Mi mi stap sanem mesenja blong mi i go fastaem long yu,* mo hem bambae i mekemrere rod blong yu!’+

13 Be enjel ya i talem se: “Sekaraea, yu no fraet. God i harem prea blong yu finis, mo waef blong yu Elisabet bambae i bonem wan pikinini boe, mo yu mas putum nem blong hem se Jon.+

17 Hem bambae i go fastaem long God, mo tingting blong hem mo paoa blong hem bambae i olsem blong Elaejah.+ Bambae hem i go blong jenisim hat blong ol papa, blong oli kam olsem ol pikinini,+ mo blong jenisim hat blong ol man we oli no obei blong oli kasem waes blong ol stret man. Hem i mekem olsem blong mekem ol man oli rere long Jehova.”*+