16 Long saed blong ol mane we bambae yufala i saksakem blong givim long ol tabu man,+ yufala i save folem advaes we mi mi givim finis long ol kongregesen long Galesia.

8 Ol brata. God i kaen tumas long ol kongregesen long Masedonia, mo naoia mifala i wantem talemaot long yufala ol samting we i kamaot from.+ 2 Olgeta ya oli kasem plante trabol, mo ol trabol ya oli traem olgeta tumas, be oltaem oli harem gud tumas, mo oli glad blong givim samting* nating se oli pua tumas, nao long fasin ya i olsem se oli rij. 3 Mi mi talem tru long yufala se olgeta oli givim olgeta samting we oli naf blong givim,+ mo samtaem oli givim samting we i bitim wanem we oli gat.+ 4 Mo oli stap plis long mifala oltaem blong mifala i givim janis long olgeta blong oli givim presen mane, mo joen long minista wok ya blong givhan long ol tabu man.+

2 from we mi mi save we yufala i glad blong givhan, taswe mi mi stap tok flas long ol man Masedonia from. Mi stap talem se yufala long Akaea, yufala i rere las yia finis blong givhan. Strong tingting we yufala i gat i pulum bighaf blong olgeta, nao olgeta tu oli rere blong givhan.

12 Hemia from we minista wok ya we yufala i stap mekem long fes blong ol man, hem i no blong givim samting nomo we ol tabu man oli nidim,+ be hem i blong mekem tu se plante man bambae oli talem tangkiu long God.