12 Nao mifala i aot long ples ya, mifala i go long Filipae,+ wan taon we Rom i rul long hem, mo hem i impoten taon blong distrik blong Masedonia. Mifala i stap sam dei long taon ya.

22 Nao olgeta man long ples ya oli agensem tufala, mo ol majistret blong taon ya oli terem klos blong tufala, mo oli givim oda blong oli wipim tufala long wud.+ 23 Ale oli wipim tufala plante taem, nao oli putum tufala long kalabus mo oli talem long man we i gad long kalabus se hem i mas gad gud long tufala ya.+ 24 Taem man ya i harem tok ya, hem i tekem tufala i go insaed long wan rum we i insaed olgeta, nao hem i lokem leg blong tufala long ol stok.*