4 Be tok ya we i kamaot long spirit blong God i talemaot klia se long fiuja bambae samfala oli lego bilif, from we oli lesin long sam giaman tok we i kamaot long ol spirit,*+ mo long ol tijing blong ol dimon,

16 Be yu mas sakemaot ol toktok we oli blong nating nomo, mo we oli agensem ol samting we oli tabu,+ from we ol toktok olsem oli lidim ol man oli go longwe moa long God. 17 Toktok blong ol man olsem, i olsem wan soa we bambae i spolem gud bodi blong man, i no save kam gud bakegen, mo i stap kam bigwan moa. Tok blong tufala man ya Haemenaeas mo Faelitas i olsem.+ 18 Tufala ya i lusum rod blong trutok finis. Tufala i stap talem se ol dedman oli laef bakegen finis,+ mo tufala i stap spolem bilif blong sam man.

3 Yu mas mekem olsem, from we i gat taem i stap kam we ol man bambae oli no moa wantem harem ol gudfala tijing.*+ Bambae oli mekem hed, oli go lukaot plante narafala tija olbaot, we oli save switim sora blong olgeta.*+

2 Bifo i gat sam giaman profet we oli stap long medel blong ol man, mo bambae i gat sam giaman tija tu long medel blong yufala.+ Long fasin haed, bambae oli tekem ol sekt* i kam, we oli save spolem bilif blong yufala. Bambae oli tanem baksaed long Masta ya we i pemaot olgeta,+ mo long fasin ya oli mekem se trabol bambae i kasem olgeta kwiktaem nomo.

18 Ol smol pikinini, smoltaem nomo i stap. Yufala i harem finis se antikraes* i stap kam,+ mo naoia, plante antikraes oli kamtru finis,+ taswe yumi save se smoltaem nomo i stap. 19 Bifo olgeta ya oli stap wetem yumi, be oli aot long yumi finis, from we oli no ol fren blong yumi.*+ Sipos oli fren blong yumi, bambae oli stap yet wetem yumi. Be from we oli gowe long yumi, i klia se oli no ol fren blong yumi.+