12 Taswe ol gudfala fren blong mi, bifo taem mi stap wetem yufala, yufala i obei oltaem, mo naoia we mi no stap wetem yufala, yufala i obei moa. Long sem fasin, i gud yufala wanwan i gohed blong wok had blong yufala i save sef, mo yufala i mas mekem wetem fasin ya we yufala i fraet mo seksek.

15 Yu mas traehad long evri rod blong God i glad long yu. Long fes blong hem, yu mas kam wan wokman we yu no gat sem long ol wok blong yu, mo yu tijim ol man long trutok long fasin we i stret.+

11 Taswe yumi mas traehad long evri rod blong kasem spel ya, blong mekem se i no gat wan long yumi i foldaon nao i folem sem fasin ya blong no obei.+

3 Ol gudfala fren, mi bin wantem tumas blong raet long yufala blong tokbaot olsem wanem God bambae i sevem yumi.+ Be mi luk se i moa gud mi raet blong talem long yufala se yufala i mas faet strong blong holemtaet bilif+ we ol tabu man oli kasem wan taem nomo mo blong olwe.