Ol Sam
Maskil.* Blong Etan+ we i laen blong Esrahaet.
89 Bambae mi singsing olwe, mi tokbaot fasin blong Jehova blong lavem man oltaem.
Long maot blong mi, bambae mi mekem se olgeta jeneresen oli save we yu stap holem promes blong yu oltaem.
2 From mi talem finis se: “Fasin blong lavem man oltaem, bambae i stap strong* blong olwe,+
Mo yu mekem fasin blong yu blong holem promes, i stap strong long heven.”
3 “Mi mi mekem wan kontrak wetem man ya we mi jusumaot,+
Mi mekem strong promes finis wetem Deved, man blong wok blong mi+ se:
4 ‘Bambae mi mekem se pikinini* blong yu i stap strong+ olwe,
Mo bambae mi mekem se tron* blong yu i stap olwe long olgeta jeneresen we i kam.’”+ (Selah)
5 O Jehova, heven i stap talemaot ol bigfala wok blong yu,
Yes, i talemaot fasin blong yu blong holem promes, long kongregesen blong ol tabu man.*
6 ?From hu long skae we i sem mak long Jehova?+
?Long olgeta pikinini blong God,+ i gat wan we i olsem Jehova?
7 Evriwan long kaonsel* blong ol tabu man, oli respektem God bigwan.+
Olgeta evriwan we oli stap raon long hem, oli tinghae long hem mo oli ona long hem.+
8 O Jehova God we yu komanda blong ol ami,
?Hu i strong olsem yu, O Jah?+
Yu yu holem promes blong yu long olgeta samting.+
9 Yu yu rul antap long solwota we i strong tumas.+
Taem ol wef blong hem oli raf tumas, yu yu kwaetem olgeta.+
10 Yu yu smasem gud Rahab,+ olsem man we oli kilim nogud hem i ded.+
Long strong han blong yu, yu ronem ol enemi blong yu oli go wanwan.+
11 Heven i blong yu, mo wol i blong yu.+
Gudfala graon ya wetem ol samting long hem,+ yu yu mekem olgeta.
12 Not mo saot, yu yu mekem tufala.
Taboro+ mo Hemon,+ tufala i glad, tufala i presem nem blong yu.
14 Stret fasin mo jastis, tufala i fandesen blong tron* blong yu.+
Fasin blong lavem man oltaem mo fasin blong holem promes, tufala i stap long fored blong yu.+
15 Olgeta we oli save singaot blong man we i glad, oli harem gud.+
O Jehova, olgeta oli wokbaot long laet blong fes blong yu.
16 Fuldei oli glad from nem blong yu,
Mo from stret fasin blong yu, ol man oli leftemap olgeta.
17 Yu yu mekem se oli stap win long paoa blong olgeta,+
Mo from we yu glad long mifala, samting ya i leftemap paoa* blong mifala.+
18 From sil blong mifala i blong Jehova,
King blong mifala, i blong Tabu Man Blong Isrel.+
19 Long taem ya, long wan vison, yu toktok long ol man we oli holemstrong long yu se:
“Mi givim paoa finis long wan strong man.+
Mi leftemap finis man ya we oli jusumaot hem long medel blong ol narafala man.+
21 Han blong mi bambae i sapotem hem,+
Mo han blong mi bambae i mekem hem i strong.
22 Bambae i no gat wan enemi i askem takis* long hem,
Mo bambae i no gat wan man nogud i save spolem hem.+
23 Bambae mi smasem gud ol enemi blong hem, stret long fes blong hem+
Mo mi kilim olgeta we oli no laekem hem.+
24 Fasin blong mi blong holem promes mo blong lavem man oltaem, i stap wetem hem,+
Mo from nem blong mi, bambae oli leftemap paoa* blong hem.
25 Bambae mi putum solwota aninit long han* blong hem
Mo mi putum ol reva aninit long raethan blong hem.+
26 Bambae hem i singaot i kam long mi se: ‘Yu yu Papa blong mi,
God blong mi mo Bigfala Ston we i sevia blong mi.’+
28 Bambae mi gohed olwe blong soemaot long hem, fasin blong mi blong lavem man oltaem,+
Mo kontrak blong mi wetem hem, bambae i neva foldaon.+
29 Bambae mi mekem se pikinini* blong hem i stap olwe
30 Sipos ol boe blong hem oli lego loa blong mi
Mo oli no wokbaot folem ol desisen* blong mi,
31 Sipos oli brekem ol rul blong mi
Mo oli no kipim ol komanmen blong mi,
32 Ale bambae mi panisim olgeta long wan stik from oli no obei*+
Mo mi wipim olgeta from rong blong olgeta.
33 Be bambae mi neva tekemaot long hem, fasin blong mi blong lavem man oltaem+
Mo bambae mi holem promes blong mi.
35 Long nem blong mi we i tabu, mi mekem promes wan taem mo blong olwe,
Bambae mi no giaman long Deved.+
36 Pikinini* blong hem bambae i stanap strong olwe.+
Tron* blong hem bambae i stanap strong olsem san long fored blong mi.+
37 Olsem mun, bambae hem i stap strong olwe
Olsem wan witnes we i stap oltaem long skae.” (Selah)
38 Be yu yu sakemaot hem finis mo yu no moa wantem hem.+
Yu kros tumas long man we yu makemaot hem.
39 Yu yu lego kontrak blong yu wetem man blong wok blong yu.
Yu mekem hat* blong hem i doti taem yu sakem i go long graon.
40 Yu brekemdaon ol stonwol blong hem finis,*
Yu smasem ol strong sefples blong hem, oli kam hip blong ol ston nomo.
41 Evri man we oli pas long ples ya, oli stilim olting blong hem.
Mo ol neba blong hem oli stap tok nogud long hem.+
42 Yu yu mekem ol enemi blong hem oli win.*+
Yu mekem olgeta enemi blong hem oli harem gud.
43 Yu pusum naef blong faet blong hem tu i gobak,
Mo yu mekem hem i lusum graon long faet.
44 Yu yu mekem we haenem blong hem i finis
Mo yu slingim tron* blong hem i go long graon.
45 Yu yu mekem we hem i kam olfala kwiktaem nomo,
Yu mekem we sem i kavremap hem olsem wan klos. (Selah)
46 O Jehova, ?bambae yu haed gogo kasem wetaem? ?Bambae yu mekem olsem olwe?+
?Kros blong yu bambae i gohed blong laet olsem faea?
47 !Plis yu mas tingbaot se laef blong mi i sot tumas!+
?I blong nating nomo we yu wokem ol man?
48 ?Hu man i save laef olwe, mo i no save ded samtaem?+
?Hem i save sevem hem wan* blong i no go long paoa blong Gref?* (Selah)
49 O Jehova, ?wehem fasin blong lavem man oltaem we yu stap soemaot bifo,
Hemia we yu promes long Deved, from yu stap holem promes blong yu oltaem?+
50 O Jehova, plis yu tingbaot ol rabis tok we ol man oli stap sakem long ol man blong wok blong yu,
Mo olsem wanem mi mas karem* ol rabis tok we ol man oli stap sakem long mi,
51 Mo olsem wanem ol enemi blong yu oli stap tok nogud, O Jehova,
Yes, olsem wanem oli stap tok nogud long evri step we man we yu makemaot i mekem.
52 I gud yumi presem Jehova olwe. Amen mo Amen.+