Ol Sam
149 !Presem Jah!*
Yufala i sing long Jehova, wan niufala singsing,+
Yufala i presem hem long kongregesen blong olgeta we oli holemstrong oltaem.+
2 I gud Isrel i glad from Bigfala Man We i Mekem hem,+
I gud ol boe blong Saeon oli harem gud from King blong olgeta.
3 I gud oli danis blong presem nem blong hem,+
Mo yufala i kilkilim tamborin mo plei long hap blong singim ol sing blong presem hem.*+
4 Hemia from we Jehova i glad long ol man blong hem.+
Hem i flasemgud ol man we oli gat tingting daon, taem hem i sevem olgeta.+
5 I gud ol man we oli holemstrong oltaem, oli glad from oli kasem glori,
I gud we taem oli stap long bed blong olgeta, oli singaot from oli harem gud.+
6 I gud ol singsing blong presem God, oli stap long trot blong olgeta,
Mo naef blong faet we i sap tu saed, i stap long han blong olgeta,
7 Blong givimbak long olgeta nesen,
Mo blong panisim olgeta man,
8 Mo blong fasemtaet ol king blong olgeta long ol jen
Mo ol haeman blong olgeta long ol hankaf we oli wokem long aean,
9 Mo blong mekem jajmen we oli raetem bifo, i kamtru long olgeta.+
Ona olsem i blong olgeta evriwan we oli stap holemstrong long hem.
!Presem Jah!*