Ol Sam
Wan miusik blong talem tangkiu.
100 Olgeta man long wol, yufala i singsingaot long Jehova olsem man we i win.+
2 Yufala i mekem wok blong Jehova we yufala i glad.+
Yufala i kam long fes blong hem we yufala i glad, yufala i stap singsingaot from.
3 Yufala i mas save* se Jehova i God.+
Hem nao i mekem yumi, mo yumi blong hem.*+
Yumi ol man blong hem, mo yumi ol sipsip long yad blong hem.+
4 Yufala i kam insaed long ol get blong hem we yufala i stap talem tangkiu,+
Yufala i kam insaed long ol yad blong hem we yufala i stap presem hem.+
Yufala i talem tangkiu long hem, yufala i presem nem blong hem.+