Ol Sam

137 Taem mifala i stap sidaon klosap long ol reva blong Babilon,+

Mifala i krae taem mifala i tingbaot Saeon.+

 2 Mo mifala i hangem ol hap blong mifala+

Antap long ol tri ya popla we oli stap gru long hem.*

 3 Long ples ya, olgeta we oli tekem mifala i go kalabus, oli askem long mifala blong singsing,+

Ol man we oli stap jikim mifala oli wantem we mifala i mekem olgeta oli laf, oli se:

“Yufala i singsing long wan sing blong Saeon long mifala.”

 4 ?Olsem wanem mifala i save singsing long sing blong Jehova

Long narafala kantri olsem?

 5 O Jerusalem, sipos mi fogetem yu,

I gud raethan blong mi i no moa save mekem wan samting.*+

 6 Sipos mi no moa tingbaot yu,

Sipos mi no luk Jerusalem se i impoten

Olsem bigfala samting blong mekem mi mi glad,+

I gud tang blong mi i fas long maot blong mi.

 7 O Jehova, plis yu tingbaot

Tok we ol man Edom oli talem long dei ya we Jerusalem i foldaon, oli se:

“!Brekem daon! !Brebrekem kasem fandesen blong hem daon!”+

 8 O dota blong Babilon, i no longtaem bambae oli spolem yu,+

Man we bambae i givim pei long yu, bambae hem i glad

Pei ya, hemia ol nogud samting we yu stap mekem long mifala bifo.+

 9 Man we bambae i tekemaot ol pikinini blong yu,

Mo i smasem olgeta long ol bigfala ston,+ bambae hem i glad.