Proveb
27 Yu no mas tok flas from ol samting we bambae yu mekem tumoro,
From we yu no save wanem bambae i hapen long ol dei we i kam.*+
2 Yu letem narafala* i presem yu, be i no prapa maot blong yu,
3 Ston i hevi, mo sanbij i hevi we i hevi,
Be man we i no gat hed, trabol we hem i mekem, i hevi moa long tufala.+
4 I gat fasin blong kros we i raf bitim mak mo fasin blong kros we i olsem bigfala wota we i ron,
?Be hu i save blokem fasin blong jalus?+
5 I moa gud yu tok stret long man blong stretem hem, i bitim we yu talem se yu lavem hem be yu no soemaot.+
6 Wan fren i save givim kil long yu from we hem i stap tru long yu,+
Be wan enemi i save kam kis long yu plante taem.*
7 Man we i harem se* i fulap finis, bambae i no wantem* hani we oli jes tekemaot,
Be man* we i hanggri, nating we kakae i konkon tumas, be hem i harem se i swit we i swit.
8 Man we i stap gowe long hom blong hem,
Hem i olsem pijin we i stap gowe* long nes blong hem.
9 Taem wan man i tok stret long yu blong givim advaes, hemia i save mekem se yutufala i kam gudfala fren,
Sem mak olsem we oel mo insens i mekem hat blong man i glad.+
10 Yu no mas lego ol fren blong yu mo ol fren blong papa blong yu,
Mo yu no mas go insaed long haos blong stret brata blong yu, long dei we yu stap long trabol,
Wan neba we i stap klosap long yu i gud moa i bitim wan brata we i stap longwe.+
11 Boe blong mi, yu mas kam waes mo mekem hat blong mi i glad,+
Olsem nao, mi save ansa long man ya we i stap tok nogud long mi.+
12 Man we i tingting gud, i luksave we trabol i stap kam, nao i go haed,+
Be man we i no gat ekspiriens, hem i gohed nomo, i no wantem save, mo biaen i safa from.*
13 Yu mas tekem klos blong man we i promes blong pembak kaon blong wan strenja,
Yu mas holemtaet wan samting blong hem olsem garanti, sipos hem i mekem olsem wetem wan woman blong narafala kantri.*+
14 Taem wan man i singaot strong long eli moning, blong blesem fren blong hem,
Hemia i olsem we man ya i singaot trabol i kam long hem.
15 Wan waef we i stap rao oltaem,* hem i olsem wan ruf we oltaem i lik taem i ren.+
16 Man we i save mekem woman olsem i stap kwaet, hem i save blokem win tu blong i no blu,
Mo i save holemtaet oel long raethan blong hem.
18 Man we i stap lukaot gud long wan figtri, bambae hem i kakae ol frut blong hem,+
Mo man we i stap lukaot gud long masta blong hem, masta blong hem bambae i ona long hem.+
19 Ol samting we i stap long hat blong wan man, oli soemaot samting we i stap long hat blong narafala,
Olsem we man i save luk fes blong hem wan long wota.
20 Gref mo ples we samting i kam nogud long hem,* tufala i neva fulap,+
Mo ae blong man i save luk plante samting, be neva hem i harem se i naf.
21 Sospen i blong kukum silva i kam klin, mo hot oven i blong gol,+
Long sem fasin, ol gudfala toktok we man i kasem blong presem hem, oli save traem hem.*
22 Man we i no gat hed, nating se yu kilim hed blong hem wetem wan ston,
Olsem we man i stap granem sid long wan narafala ston,
Be ol krangke fasin blong hem bambae oli no gowe long hem.
23 Yu mas save gud se ol animol blong yu oli olsem wanem.
Yu mas kea gud long* ol sipsip blong yu,+
24 From we ol rij samting oli no save stap olwe,+
Mo hat* blong king i no save stap olwe.
25 Ol grin gras oli stap lus, ol niufala gras oli gru,
Mo ol man oli go karem ol gras long ol bigfala hil, oli kam hivimap i stap.
26 Yu stap kasem ol klos long hea blong ol yang sipsip,
Mo yu stap pem graon long ol mane we yu kasem long ol man nani we yu stap salem olgeta.
27 Mo bambae yu gat naf melek blong nani olsem kakae blong yu,
Blong fidim ol famle blong yu, mo blong sapotem ol gel blong wok blong yu.