Ol Sam
Singsing blong Deved, i stap olsem wan rimaenda.*
38 O Jehova, yu no tok blong stretem mi long taem we yu kros
Mo yu no stretem mi long taem we yu kros bitim mak.+
2 From ol ara blong yu oli sperem mi, oli go dip insaed long mi,
Mo han blong yu i pusum mi mi godaon olgeta.+
3 Ful bodi blong mi i sik,* from we yu no glad long mi.
Sin blong mi i mekem se mi no gat pis.*+
4 From ol mastik blong mi oli hivap i go bitim hed blong mi,+
Oli olsem wan hevi baden, we i bigwan tumas blong mi karem.
5 Ol soa blong mi oli sting mo oli kam mowas
From ol krangke fasin blong mi.
6 Mi mi harem nogud tumas mo tingting blong mi i foldaon olgeta.
Mi stap wokbaot olbaot fuldei we mi no glad nating.
8 Bodi blong mi i nam mo mi kam slak olgeta.
Hat blong mi i soa, mekem se mi stap krae bigwan.*
9 O Jehova, evri samting we mi wantem, oli stap klia nomo long fes blong yu,
Mo yu yu luk we mi stap pulum nogud win blong mi.
11 Ol fren blong mi mo olgeta we mi stap kampani wetem olgeta, oli no wantem mi from ol trabol we mi kasem,
Mo olgeta we mi save gud olgeta, oli stap longwe nomo long mi.
12 Olgeta we oli wantem tekemaot laef* blong mi, oli putum ol trap blong kasem mi,
Olgeta we oli traem givim kil long mi, oli stap tokbaot blong spolem mi,+
Fuldei, oli stap toktok smosmol blong trikim mi.
13 Be bambae mi no lesin, olsem wan man we sora blong hem i fas.+
Bambae mi no openem maot blong mi, olsem man we i no save toktok.+
14 Mi kam olsem wan man we i no save harem samting,
Nao i no talem wan samting blong difendem hem.
16 From mi talem se: “I gud oli no glad taem mi kasem trabol
Mo oli no leftemap olgeta oli kam hae moa long mi, sipos leg blong mi i glis.”
17 From klosap nao bambae mi foldaon,
Mo bodi blong mi i soa oltaem nomo.+
19 Be ol enemi blong mi oli gat paoa,* mo oli strong,*
Olgeta we oli no laekem mi blong nating nomo, oli kam plante moa.
20 Oli mekem i nogud long mi, nating se mi mi mekem i gud long olgeta.
Oli stap agensem mi from mi stap mekem ol samting we i gud.
21 O Jehova, yu no lego mi.
O God, yu no stap longwe long mi olsem.+
22 O Jehova, sevia blong mi,+
Yu kam hariap, yu halpem mi.