Ol Sam

43 O God, yu jajem mi,+

Yu difendem kot kes blong mi+ agensem wan nesen we i no holemstrong long yu.

Yu tekemaot mi long han blong man blong giaman, mo man we fasin blong hem i no stret.

2 From yu yu God blong mi, yu strong sefples blong mi.+

?From wanem yu sakemaot mi?

?From wanem mi mas wokbaot olbaot we mi harem nogud long han blong enemi blong mi we i stap spolem mi?+

3 Yu sanem laet blong yu mo trutok blong yu i kam.+

I gud tufala i lidim mi.+

I gud tufala i soem rod long mi blong go long bigfala hil blong yu we i tabu, mo long bigfala tabenakel* blong yu.+

4 Nao bambae mi kam long olta blong God,+

Yes long God, we hem i olsem bigfala glad we mi stap kasem.

Mo bambae mi yusum hap, mi presem yu,+ O God, we yu God blong mi.

5 ?From wanem tingting blong mi* i kam nogud?

?From wanem tingting blong mi i trabol tumas?

Bambae mi wet long God,+

From bambae mi presem hem yet, olsem Bigfala Sevia blong mi mo God blong mi.+