Ol Sam
Long daerekta. Singsing blong ol boe blong Kora.+
47 Olgeta man long evri ples, yufala i klapem han.
Yufala i glad, yufala i singsingaot i go long God olsem man we i win.
2 From Jehova we i Hae God i mekem plante samting blong sapraes mo fraet.+
Hem nao i bigfala King long olgeta ples long wol.+
3 Hem i winim ol man, i mekem oli stap aninit long yumi.
Hem i putum ol nesen aninit long leg blong yumi.+
4 Ol samting we oli blong yumi, hem nao i jusum blong yumi,+
Hemia ol flas samting blong Jekob ya we hem i lavem tumas.+ (Selah)
5 God i go antap taem ol man oli stap singsingaot we oli glad tumas.
Jehova i stap long medel blong ol man we oli stap blo long hon.*
6 Yumi singim ol sing blong presem* God, yumi singim ol sing blong presem hem.
Yumi singim ol sing blong presem King blong yumi, yumi singim ol sing blong presem hem.
7 From we God i King blong olgeta man long wol.+
Yumi singim ol sing blong presem hem, mo yumi soemaot se yumi gat hed.
8 God i kam King blong ol nesen.+
God i stap sidaon long tabu tron* blong hem.
9 Ol lida blong ol man oli kam joen wanples
Wetem ol man blong God blong Ebraham.
From ol rula* blong wol oli blong God.
Ol man oli leftemap hem i kam hae olgeta.+