Ol Sam
Wan miusik. Singsing blong ol boe blong Kora.+
48 Jehova i hae mo i stret blong man i presem hem
Long taon blong God blong yumi, long bigfala hil blong hem we i tabu.
2 Hil Ya Saeon long not olgeta
We i taon blong Bigfala King,+
I naes tumas from i hae we i hae, mo i stap mekem ol man long fulwol oli glad.+
3 Insaed long ol strong taoa blong taon ya,
God i mekem yumi kasemsave se hem i wan sefples blong haed.*+
4 !Yufala i luk! Ol king oli joen wanples finis.*
Oli muv wanples i go.
5 Taem oli luk taon ya, oli sapraes tumas.
Oli panik mo oli ronwe from oli fraet.
6 Mo long ples ya, oli seksek bitim mak,
Oli harem nogud tumas olsem wan woman we i stap bonem pikinini.
7 Mo yu mekem se iswin i mekem ol sip blong Tasis oli rek.
8 Ol samting we mifala i harem bifo, naoia mifala stret i luk
Long taon blong Jehova komanda blong ol ami, yes long taon blong God blong yumi.
God bambae i mekem se taon ya i stap strong olwe.+ (Selah)
9 O God, insaed long tempol blong yu,
Mifala i stap tingting gud long fasin blong yu blong lavem man oltaem.+
10 Olsem nem blong yu, O God, wosip
Blong yu i go kasem olgeta ples long wol.+
Raethan blong yu i fulap long stret fasin.+
12 Yufala i maj i goraon long Saeon, yufala i raonem gud,
Yufala i kaontem ol taoa blong hem.+
13 Yufala i tingting gud long ol graon ya we oli hivimap raon long hem.*+
Yufala i jekemgud ol strong taoa blong hem,
Blong yufala i save tokbaot olgeta long ol jeneresen long fiuja.
14 From we God ya, hem i God blong yumi+ gogo i no save finis.