Seken Samuel
22 Long dei we Jehova i sevem Deved long han blong ol enemi blong hem+ mo long han blong Sol,+ Deved i singsing+ i go long Jehova. 2 Hem i se:
“Jehova hem i hol blong ston blong mi mo i strong ples blong haed blong mi,+ mo Hem nao i sevem mi.+
3 God blong mi hem i bigfala ston blong mi,+ we mi stap go haed long hem,
Hem i sil blong mi+ mo hon* we i sevem mi,* hem i sefples blong mi+
Hem i ples we mi ronwe i go long hem,+ mo i sevia blong mi.+ Yu nao yu blokem mi long ol man we oli raf.
4 Mi mi singaot i go long Jehova, we i stret blong man i presem hem,
Mo bambae hem i sevem mi long ol enemi blong mi.
5 Ded i olsem ol wef blong solwota we oli brok raonabaot long mi,+
Ol man we oli gud blong nating nomo oli olsem bigfala wota we i stap ron, oli mekem mi fraet tumas.+
7 Mi mi harem nogud tumas nao mi singaot i go long Jehova,+
Mi gohed blong singaot i go long God blong mi.
Nao hem i stap long tempol blong hem, i harem voes blong mi,
Mo sora blong hem i harem we mi krae blong hem i givhan long mi.+
8 Graon i stat blong muvmuv i go i kam mo i seksek bigwan,+
Mo ol fandesen blong heven oli stap seksek+
Mo oli stap muv i go i kam from we hem i kros.+
9 Smok i kamaot long hol blong nus blong hem, i go antap,
Mo faea we i stap bonem evri samting, i kamaot long maot blong hem,+
Mo ol sakol we oli red gud, oli laet i kamaot long hem.
10 Hem i mekem heven i ben taem hem i stap kamdaon,+
Mo bigfala dak klaod i stap aninit long leg blong hem.+
11 Hem i raed long wan jerubim+ mo i flae i kam.
Man i save luk hem long wing blong wan spirit.*+
12 Nao hem i putum tudak i kam raonem hem olsem wan selta,+
Long ol wota blong ol dak klaod mo long ol tik klaod.
13 Long laet we i stap saen long fored blong hem, ol sakol we oli red we oli red, oli laet strong.
14 Biaen Jehova i mekem tanda i faerap long heven,+
Hae God i mekem ol man oli harem voes blong hem.+
15 Hem i sut long ol ara blong hem+ nao i mekem olgeta oli go wanwan olbaot,
Hem i mekem laetning i sut, nao i mekem olgeta oli konfius.+
16 Botom blong dip solwota i stap long klia ples,+
Mo ol fandesen blong graon oli kamaot long klia ples from Jehova i tok strong,
Mo from strong win we i kamaot long hol blong nus blong hem.+
17 Hem i stap antap, i pusum han i kamdaon,
I holem mi, mo i pulumaot mi long dip wota.+
18 Hem i tekemaot mi long strong enemi blong mi,+
Mo long olgeta we oli no laekem mi nating, mo we oli strong moa i bitim mi.
19 Oli agensem mi long dei we mi kasem trabol,+
Be Jehova i givhan long mi.
21 Jehova i givim pei long mi from we mi mekem stret fasin,+
Hem i givim pei long mi from we mi no mekem wan nogud samting.*+
22 Hemia from we mi mi stap folem ol rod blong Jehova,
Mo mi no mekem rabis fasin ya blong lego God blong mi.
24 Bambae mi stap klin oltaem+ long fes blong hem,
Mo bambae mi traehad blong no mekem samting we i rong.+
25 I gud Jehova i givim pei long mi from stret fasin blong mi,+
Mo from we mi no mekem wan nogud samting long fes blong hem.+
26 Man we i holemstrong long yu, yu tu yu holemstrong long hem,+
Strong man we i no gat poen long yu, yu tu yu no gat poen agensem hem,+
27 Man we laef blong hem i klin, yu yu soemaot long hem se yu klin,+
Be man we laef blong hem i kruked, yu yu soemaot long hem se yu tingting gud.*+
28 From we yu yu sevem olgeta we tingting blong olgeta i stap daon,+
Be yu agensem ol man we oli praod mo yu daonem olgeta.+
30 Yu yu givhan long mi nao mi save faet agensem wan grup blong ol raskol.
Paoa blong God nao i mekem se mi save klaem i go narasaed long wan stonwol.+
Hem i olsem wan sil we i blokem gud olgeta we oli go long hem blong haed.+
32 From we i no gat wan God we i olsem Jehova.+
God blong yumi nomo i olsem wan bigfala ston, i no gat wan narafala we i olsem hem.+
34 Hem i mekem leg blong mi i olsem leg blong wan dia,
Hem i mekem mi stanap long ol ples we oli hae.+
35 Hem i trenem ol han blong mi blong mi save faet.
Ol han blong mi oli save benem wan bonara we oli wokem long kopa.
36 Yu yu givim sil blong yu long mi blong sevem mi,
Mo tingting blong yu we i stap daon i leftemap mi.+
37 Yu yu mekem rod we mi wokbaot long hem, i kam bigwan,
Ol leg blong mi bambae oli no glis.+
38 Bambae mi ronem ol enemi blong mi mo mi kilim olgeta evriwan oli ded,
Mo bambae mi no kambak kasem taem we oli lus evriwan.
39 Bambae mi waepemaot olgeta mo mi smasem olgeta, nao bambae oli no moa save girap,+
Bambae oli foldaon aninit long leg blong mi.
40 Bambae yu givim paoa long mi blong mi go faet,+
Bambae yu mekem ol enemi blong mi oli foldaon aninit long mi.+
41 Bambae yu mekem ol enemi blong mi oli ronwe long mi,+
Bambae mi finisim ol man we oli no laekem mi nating.+
42 Oli krae from help, be i no gat man blong sevem olgeta,
Oli krae long Jehova tu, be hem i no ansa long olgeta.+
43 Bambae mi smasem olgeta gogo oli kam smosmol olsem das blong graon,
Bambae mi skwisim olgeta mo mi purumbut long olgeta olsem sofmad long ol bigrod.
44 Bambae yu tekemaot mi long han blong ol man blong mi we oli stap faenem poen long mi.+
Bambae yu lukaot gud long mi, blong mi hed blong ol nesen,+
Ol man we mi no save olgeta, bambae oli wok blong mi.+
45 Ol man blong narafala kantri bambae oli kam bodaon long fored blong mi, from we oli fraet,+
Ol samting we oli harem long saed blong mi bambae i mekem olgeta oli obei long mi.
46 Ol man blong narafala kantri bambae oli no moa gat strong tingting,
Bambae oli aot long ol ples blong haed blong olgeta mo oli kam we oli stap seksek.
47 !Jehova i laef i stap! !I gud yumi presem God ya we i Bigfala Ston blong mi!+
I gud ol man oli leftemap God ya we i bigfala ston ya we i sevem mi.+
48 Tru God i givimbak long ol man long bihaf blong mi,+
Hem i putum ol man oli stap aninit long mi,+
49 Hem i tekemaot mi long ol enemi blong mi.
Yu leftemap mi i go antap+ bitim olgeta we oli stap atakem mi,
Yu sevem mi, yu tekemaot mi long man blong faet.+
50 O Jehova, hemia nao from wanem bambae mi talem tangkiu long yu long medel blong ol nesen,+