Ol Sam
Long daerekta. Singsing blong Deved, man blong wok blong Jehova. Ol tok we hem i talem long singsing ya i go stret long Jehova, hemia long dei ya we Jehova i tekemaot hem long han blong olgeta enemi blong hem mo long han blong Sol. Hem i se+
18 O Jehova, yu yu paoa blong mi, mi mi laekem yu tumas.+
2 Jehova hem i hol blong ston blong mi mo i strong ples blong haed blong mi, mo Hem nao i sevem mi.+
God blong mi hem i bigfala ston blong mi,+ we mi stap go haed long hem,
Hem i sil blong mi mo hon* we i sevem mi,* hem i sefples blong mi.*+
3 Mi mi singaot i go long Jehova, we i stret blong man i presem hem,
Mo bambae hem i sevem mi long ol enemi blong mi.+
4 Ol rop blong ded oli fasemtaet mi,+
Ol man we oli gud blong nating nomo oli olsem bigfala wota we i stap ron, oli mekem mi fraet tumas.+
6 Mi mi harem nogud tumas nao mi singaot i go long Jehova,
Mi gohed blong krae i go long God blong mi blong i halpem mi.
Hem i stap long tempol blong hem, i harem voes blong mi,+
Mo sora blong hem i harem we mi krae long hem blong i givhan long mi.+
7 Nao graon i stat blong muvmuv mo i seksek bigwan,+
Ol fandesen blong ol bigfala hil oli stap seksek
Mo oli stap muv i go i kam from we hem i kros.+
8 Smok i kamaot long hol blong nus blong hem, i go antap,
Mo faea we i stap bonem evri samting, i kamaot long maot blong hem,+
Mo ol sakol we oli red gud, oli laet i kamaot long hem.
9 Hem i mekem heven i ben taem hem i stap kamdaon,+
Mo bigfala dak klaod i stap aninit long leg blong hem.+
10 Hem i raed long wan jerubim mo i flae i kam.+
Long ol wing blong wan spirit,* hem i sut i kamdaon.+
11 Nao hem i mekem tudak i kavremap hem wan,+
Olsem wan selta we i raonem gud hem,
Long ol wota long ol dak klaod mo long ol tik klaod.+
12 Long laet we i stap saen long fored blong hem,
Ol ston blong aes mo ol sakol we oli red we oli red, oli sut tru long ol klaod.
13 Biaen Jehova i mekem tanda i faerap long heven,+
Hae God i mekem ol man oli harem voes blong hem,+
Taem ol ston blong aes mo ol sakol we i laet oli folfoldaon i kamdaon.
14 Hem i sut long ol ara blong hem nao i mekem olgeta oli go wanwan olbaot,+
Hem i slingim laetning blong hem nao i mekem olgeta oli konfius.+
15 Man i save luk botom blong ol reva,*+
O Jehova, ol fandesen blong graon oli kamaot long klia ples from yu tok strong,
Mo from strong win we i kamaot long hol blong nus blong yu.+
16 Hem i stap antap, i pusum han i kamdaon,
I holem mi, mo i pulumaot mi long dip wota.+
17 Hem i tekemaot mi long strong enemi blong mi,+
Mo long olgeta we oli no laekem mi nating, mo we oli strong moa i bitim mi.+
18 Oli agensem mi long dei we mi kasem trabol,+
Be Jehova i givhan long mi.
19 Hem i tekemaot mi i go long wan ples we i sef,
Hem i sevem mi from we hem i glad long mi.+
20 Jehova i givim pei long mi from we mi mekem stret fasin,+
Hem i givim pei long mi from we mi no mekem wan nogud samting.*+
21 Hemia from we mi mi stap folem ol rod blong Jehova,
Mo mi no mekem rabis fasin ya blong lego God blong mi.
22 Olgeta jajmen blong hem oli stap long fored blong mi,
Bambae mi no tanem baksaed long ol loa blong hem.
23 Bambae mi stap klin oltaem long fes blong hem,+
Mo bambae mi traehad blong no mekem samting we i rong.+
24 I gud Jehova i givim pei long mi from stret fasin blong mi,+
Mo from han blong mi we i no gat fol long fes blong hem.+
25 Man we i holemstrong long yu, yu tu yu holemstrong long hem.+
Man we i no gat poen long yu, yu tu yu no gat poen agensem hem.+
26 Man we laef blong hem i klin, yu yu soemaot long hem se yu klin.+
Be man we laef blong hem i kruked, yu yu soemaot long hem se yu tingting gud.+
28 O Jehova, yu nao yu laetem laet blong mi.
God blong mi we i givim laet long mi, nao mi no moa stap long tudak.+
29 Yu yu givhan long mi nao mi save faet agensem wan grup blong ol raskol,+
Paoa blong God nao i mekem se mi save klaem i go narasaed long wan stonwol.+
30 Rod blong tru God i stret gud.+
Ol tok blong Jehova oli klin gud.+
Hem i olsem wan sil we i blokem gud olgeta we oli go long hem blong haed.+
31 From we i no gat wan God we i olsem Jehova.+
God blong yumi nomo i olsem wan bigfala ston, i no gat wan narafala we i olsem hem.+
32 Tru God nao i givim paoa long mi, olsem klos we mi werem,+
Mo hem bambae i mekem rod blong mi i stret gud.+
33 Hem i mekem leg blong mi i olsem leg blong wan dia,
Hem i mekem mi stanap long ol ples we oli hae.+
34 Hem i trenem ol han blong mi blong mi save faet.
Ol han blong mi oli save benem wan bonara we oli wokem long kopa.
35 Yu yu givim sil blong yu long mi blong sevem mi,+
Raethan blong yu i stap sapotem mi,*
Mo tingting blong yu we i stap daon i leftemap mi.+
36 Yu yu mekem rod we mi wokbaot long hem, i kam bigwan,
Ol leg blong mi bambae oli no glis.+
37 Bambae mi ronem ol enemi blong mi mo mi kasem olgeta,
Mo bambae mi no kambak kasem taem we oli lus evriwan.
38 Bambae mi smasem olgeta nao oli no moa save girap,+
Bambae oli foldaon aninit long leg blong mi.
39 Bambae yu givim paoa long mi blong mi go faet,
Bambae yu mekem ol enemi blong mi oli foldaon aninit long mi.+
40 Bambae yu mekem ol enemi blong mi oli ronwe long mi,*
41 Oli krae from help, be i no gat man blong sevem olgeta,
Oli krae long Jehova tu, be hem i no ansa long olgeta.
42 Bambae mi smasem olgeta gogo oli kam smosmol olsem das long win,
Bambae mi sakemaot olgeta olsem sofmad long ol bigrod.
43 Bambae yu tekemaot mi long han blong ol man we oli stap faenem poen long mi.+
Bambae yu putumap mi mi hed blong ol nesen.+
Ol man we mi no save olgeta, bambae oli wok blong mi.+
44 Sipos oli harem wan smol ripot nomo, bambae oli obei long mi,
Ol man blong narafala kantri bambae oli kam long fored blong mi, we fes i nogud nomo from we oli fraet.+
45 Ol man blong ol narafala kantri, bambae oli no moa gat strong tingting,*
Bambae oli aot long ol ples blong haed blong olgeta mo oli kam we oli stap seksek.
46 !Jehova i laef i stap! !I gud yumi presem God ya we i Bigfala Ston blong mi!+
I gud ol man oli leftemap God we i sevem mi.+
47 Tru God i givimbak long ol man long bihaf blong mi,+
Hem i putum ol man oli stap aninit long mi.
48 Hem i tekemaot mi long ol enemi blong mi we oli kros.
Yu leftemap mi i go antap bitim olgeta we oli stap atakem mi,+
Yu sevem mi, yu tekemaot mi long man blong faet.
49 O Jehova, hemia nao from wanem bambae mi leftemap yu long medel blong ol nesen,+
50 Hem i mekem ol bigbigfala wok blong sevem king blong hem.*+