Ol Sam
Long daerekta. Blong plei folem “Ol Lili.” Singsing blong Deved.
69 O God, yu sevem mi from we klosap wota i draonem mi.+
2 Mi draon i godaon long wan dip sofmad we i no gat strong graon aninit.+
Mi mi kam insaed long ol dip wota,
Mo wota we i ron bigwan i wasemaot mi finis.+
3 Mi mi singaot gogo mi taed.+
Trot blong mi i kam nogud.
Ae blong mi i kam slak from mi stap wet long God blong mi.+
Olgeta we oli save kilim mi mi ded,
Mo ol enemi blong mi we oli rabis olgeta,* naoia oli kam plante.
Oli fosem mi blong givim samting we mi no stilim.
5 O God, yu yu save gud ol krangke fasin blong mi,
Mo ol rong blong mi oli no haed long yu.
6 O Hae Masta, Jehova komanda blong ol ami,
I gud olgeta we oli putum hop long yu oli no sem from mi.
O God blong Isrel,
I gud olgeta we oli stap lukaotem yu oli no sem from mi.
7 Mi stap karem ol rabis tok from yu.+
Sem i fulap long fes blong mi.+
8 Naoia mi olsem wan strenja nomo long ol brata blong mi,
Mo ol pikinini blong mama blong mi oli luk mi olsem wan man blong narafala kantri.+
9 Strong tingting we mi gat from haos wosip blong yu i olsem faea insaed long mi,+
Mo ol rabis tok we ol man oli stap sakem long yu, oli kasem mi finis.+
11 Taem mi mekem klos we oli wokem long bag i kam klos blong mi,
Oli luk mi olsem wan samting* blong oli stap laf long hem.
12 Olgeta we oli stap sidaon long get blong taon, oli stap tokbaot mi nomo,
Mo ol drong man oli stap tokbaot mi nomo long ol singsing blong olgeta.
13 Be i gud prea blong mi i kam long yu,
Long wan taem we i stret, O Jehova.+
O God, yu ansa long mi tru long ol wok blong yu blong sevem man,+
From fasin blong yu blong lavem man oltaem i bigwan bitim mak.
14 Plis yu tekemaot mi long sofmad,
Yu no letem mi mi draon i godaon.
Yu tekemaot mi long olgeta we oli no laekem mi nating
Mo long ol dip wota.+
15 Plis yu no letem wota we i ron strong i wasemaot mi,+
Mo yu no letem dip ples i solemdaon mi,
16 O Jehova, yu ansa long mi, from fasin blong yu blong lavem man oltaem, i gud tumas.+
From bigfala sore blong yu, plis yu tanem yu i kam long mi,+
17 Yu no haedem fes blong yu long man blong wok blong yu.+
Yu ansa long mi kwiktaem, from mi stap long trabol naoia.+
18 Yu kam klosap long mi blong tekemaot mi.*
Plis yu pemaot mi, from ol enemi ya blong mi.
19 Yu yu save we ol man oli stap sakem ol rabis tok long mi, oli daonem mi mo oli mekem mi mi sem.+
Yu luk olgeta enemi blong mi.
20 Ol rabis tok ya oli brekem hat blong mi, mo kil ya i no save kam gud bakegen.*
Mi stap wet blong man i sore long mi, be i no gat,+
Mo mi wet blong ol man oli kam mekem mi harem gud, be mi no faenem wan nating.+
22 I gud tebol blong olgeta i kam olsem wan trap blong kasem olgeta,
Mo gudfala laef we oli gat, i kam wan net blong kasem olgeta.+
23 I gud ae blong olgeta i kam tudak blong oli no save lukluk,
Mo yu mekem ol hips blong olgeta i seksek oltaem.
24 Yu kafsaedem kros blong yu long olgeta,
Mo i gud kros blong yu we i olsem faea, i kasem olgeta.+
25 I gud yu mekem kamp blong olgeta* i kam emti,
I gud yu mekem we i no gat man i laef long ol tent blong olgeta.+
26 From oli stap ronem man we yu bin spolem hem,
Mo oli stap tokbaot sobodi blong olgeta we yu givim kil long olgeta.
27 Yu ademap moa fol long fol blong olgeta,
Mo i gud oli no kasem eni samting from stret fasin blong yu.
28 I gud yu ravemaot nem blong olgeta long buk blong ol man we oli laef,*+
Mo i gud yu no raetem nem blong olgeta wanples wetem blong ol stret man.+
29 Be mi mi harem nogud mo bodi blong mi i soa.+
O God, i gud paoa blong yu blong sevem man, i protektem mi.
30 Bambae mi singim ol sing blong presem nem blong God,
Mo bambae mi talem tangkiu long hem blong leftemap hem.
31 Hemia bambae i mekem Jehova i glad moa, i winim we mi givim wan bul i go long hem,
Mo i winim we mi givim wan yang bul we i gat hon, mo we leg blong hem daon i seraot finis.+
32 Ol man we oli gat tingting daon bambae oli luk mo oli glad.
Yu we yu stap lukaotem God, i gud hat blong yu i kam strong bakegen.
33 From Jehova i stap lesin long ol puaman,+
Mo bambae hem i no lukluk rabis long ol man blong hem we oli stap long kalabus.+
34 I gud heven mo wol i presem hem,+
Mo solwota wetem evri samting we i stap muv olbaot long hem.